Fe ddywedoch chi wrthym ba wasanaethau sydd bwysicaf i chi a’r hyn yr ydych chi am i ni ganolbwyntio arnynt i’w gwella.
Ynghyd â Buzz – ein panel cwsmeriaid – fe wnaethom ddefnyddio’r hyn a ddywedoch i wneud yr addewidion hyn i chi.
Bydd ein cartrefi yn ddiogel, yn gynnes ac yn fforddiadwy
Eich cadw’n ddiogel gartref, a chynnig gwasanaeth atgyweirio dibynadwy am rent fforddiadwy.
- Diogelwch: Bydd eich cartref yn bodloni’r holl ofynion iechyd a diogelwch.
- Dweud eich dweud: Bydd gennych lais o ran gosod safonau atgyweirio.
- Cyfathrebu: Byddwch yn cael gwybod y diweddaraf am statws eich gwaith atgyweirio.
- Amser: Byddwn yn gwneud ein gorau glas i’ch cyrraedd ar amser, a byddwn yn rhoi gwybod i chi os ydym yn rhedeg yn hwyr.
- Parch: Bydd eich cartref yn cael ei adael yn ddiogel, yn lân ac yn daclus cyn i ni adael.
- Effeithlonrwydd ynni: Byddwn yn gwella mesurau effeithlonrwydd ynni yn ein cartrefi ac yn gweithio gyda chi i leihau eich costau ynni.
- Fforddiadwy: Byddwn yn cadw rhent a chostau gwasanaeth yn fforddiadwy ac yn dryloyw.
Byddwn yn helpu cymunedau lleol i ffynnu
Eich helpu i gadw’n ddiogel ac mewn cysylltiad, fel y gallwch chwarae rhan lawn yn eich cymuned.
- Ymddygiad gwrthgymdeithasol: Byddwn yn gweithio gyda chi ac asiantaethau eraill i daclo ymddygiad gwrthgymdeithasol yn eich cymdogaeth.
- Gweladwy: Bydd gennym bresenoldeb cryf yn lleol, i ddatblygu perthynas gadarnhaol gyda’r gymuned.
- Twf: Byddwn yn adeiladu cartrefi newydd a chynaliadwy i ateb y galw am dai fforddiadwy.
- Amgylchedd: Bydd ein cymdogaethau a’n stadau yn cael eu cynnal a’u cadw’n dda a byddant yn lleoedd deniadol i fyw.
- Cyswllt: Byddwn yn eich cefnogi i lunio eich cymdogaeth leol.
- Cynaliadwy: Byddwn yn ystyried effaith ein penderfyniadau ar yr amgylchedd.
Bydd eich llais wrth galon popeth a wnawn
Gwrando ar yr hyn rydych chi’n ei ddweud wrthym, i barhau i wella ein gwasanaethau.
- Deall: Byddwn yn dod i’ch adnabod chi a’r hyn sydd yn bwysig i chi.
- Hygyrch: Byddwch yn gallu cysylltu â ni yn hawdd, mewn ffordd sy’n addas i chi.
- Ansawdd: Byddwn yn gwneud ein gorau glas i wneud pethau’n iawn y tro cyntaf.
- Dysgu: Byddwn yn defnyddio’ch adborth i wrando a dysgu er mwyn gwella ein gwasanaethau.
- Ymgysylltu: Byddwn yn gwneud yn siŵr ei bod yn hawdd i chi rannu eich barn.
- Gwerth am arian: Byddwn yn rheoli ein prosiectau yn ofalus ac yn adolygu gwasanaethau gyda chi yn rheolaidd.
Byddwn yn eich cefnogi i fyw mewn cartref sy’n bodloni eich anghenion
Helpu i wneud yn siŵr bod eich cartref yn iawn i chi.
- Tai arbenigol: Byddwn yn buddsoddi mewn tai i bobl ag angen penodol, fel pobl hŷn neu bobl anabl, a hynny mewn partneriaeth ag eraill.
- Cefnogaeth: Byddwn yn helpu pawb sydd ei angen i reoli eu cartrefi a’u tenantiaeth
- Canolbwyntio ar yr unigolyn: Bydd ein gwasanaethau yn cael eu teilwra i fodloni anghenion unigol ein cymunedau amrywiol.
- Addasadwy: Byddwn yn defnyddio’r cartrefi yr ydym ni yn eu rheoli yn y ffordd orau, gan sicrhau bod ein heiddo yn bodloni anghenion pob aelwyd yn unigol.
- Ymatebol: Byddwn yn gweithio gyda chi i ddatblygu gwasanaethau newydd sy’n ymateb i anghenion sy’n newid dros amser.
