Cyflwyniad
Mae Hedyn yn berchen ar fathau gwahanol o gartrefi lle mae’n codi rhent ac yn eu rheoli. Mae hefyd yn codi rhent am adeiladau masnachol a garejys. Ar gyfer rhai o’r cartrefi hyn mae yna daliadau gwasanaeth yn ychwanegol at y rhent.
Rydym hefyd yn darparu gwasanaethau ar gyfer lesddeiliaid a rhydd-ddeiliaid syddwedi prynu eu cartrefi ac maent yn talu tâl gwasanaeth amdanynt.
Mae’r polisi hwn yn nodi dull gweithredu Hedyn wrth osod rhenti a thaliadau gwasanaeth a sicrhau fforddiadwyedd. Mae’r polisi yn cydymffurfio â gofynion Polisi Rhenti Cymdeithasol Llywodraeth
Cymru 2026 – 2031.
Y prif fath o eiddo i’w rentu sydd ar gael gan Hedyn yw Tai Rhent Cymdeithasol. Mae’r polisi hwn yn cyflwyno’r fethodoleg ar gyfer cyfrifo rhenti cymdeithasol, sy’n sicrhau bod Hedyn yn gallu parhau i uchafu ei chyfraniad at ei chymunedau, a sicrhau bod rhenti’n dal i fod yn deg, yn dryloyw ac yn fforddiadwy ar bob adeg.
Mae cynhyrchu incwm yn ein helpu i ddarparu ein cartrefi a’n safleoedd masnachol, a’u cynnal. Mae’n sicrhau y gallwn ddarparu gwasanaethau i ddiwallu anghenion ein trigolion, cymunedau, cenedlaethau’r dyfodol a thenantiaid masnachol.
Lawrlwythwch ein Polisi (PDF)