Dyma Gyflwyno Helpwyr Hedyn yng Nghasnewydd

Rydym wedi ymuno â disgyblion Blwyddyn 5, Ysgol Gynradd Milton yng Nghasnewydd i sefydlu grŵp o Helpwyr Hedyn; dysgwyr ifanc sy’n darganfod beth sydd ei angen i adeiladu cymuned o’r gwaelod i fyny.

Mae ein cydweithwyr yma yn Hedyn, wedi ymweld â’r ysgol i gynnal sgyrsiau am safle adfywio Ringland drws nesaf, lle rydym yn adeiladu 170 o gartrefi newydd ac yn adleoli canolfan siopa. Mae’r plant wedi dysgu am y rolau hanfodol sy’n gysylltiedig ag adeiladu cartrefi newydd, ac mae pob disgybl wedi cael swydd sy’n adlewyrchu’r tîm sy’n gweithio ar ein safle i adfywio Ringland, o Reolwyr Prosiect i Drydanwyr a Seiri Coed.

Yn ystod y flwyddyn ysgol, byddant yn parhau i ddysgu am yrfaoedd yn y byd adeiladu, gwaith tîm, a phob math o sgiliau ymarferol, trwy’r cartrefi newydd sy’n cael eu datblygu ar eu stepen drws.

Dilynwch ni ar Facebook neu LinkedIn i weld eu taith wrth iddyn nhw estyn am eu hetiau caled i ymweld â’r safle, cwrdd â’r oedolion sy’n cyfateb iddynt, a’n helpu i wneud yn siŵr ein bod ni’n gwneud y gorau i Ringland.

Diolch i Helpwyr Hedyn. Gyda’n gilydd, rydyn ni’n plannu’r hadau ar gyfer cymunedau cysylltiedig.