Rydym yn falch o gyhoeddi ein bod yn dod â’n swyddfeydd yng Nghasnewydd a Phont-y-Pŵl ynghyd mewn un pencadlys modern yng nghanol y ddinas yng Nghasnewydd.
Bydd y pencadlys newydd wedi’i leoli yn nghyn-adeilad y Post Brenhinol ar Stryd y Felin. Yn agos at yr M4 ac yn union y tu ôl i orsaf drenau Casnewydd, mae mewn lleoliad delfrydol i gyrraedd yr holl gymunedau rydyn ni’n darparu cartrefi ynddynt.
Er y bydd ein pencadlys yn dal i fod yng Nghasnewydd – mewn lleoliad newydd – byddwn yn parhau i gryfhau ein presenoldeb yn ardaloedd yr awdurdodau lleol eraill rydyn ni’n eu gwasanaethu, sef:
- Torfaen
- Sir Fynwy
- Blaenau Gwent, a
- Phowys.
Mae’r symudiad yn adlewyrchu ein datblygiad parhaus yn sgil uno Melin a Chartrefi Dinas Casnewydd yn 2025. Rydym bellach yn sefydliad sydd â 750 o aelodau staff a mwy na 15,000 o eiddo ledled De-ddwyrain Cymru.
Mae caffael cyn-adeilad y Post Brenhinol ar gyfer pencadlys Hedyn yn un o’r datblygiadau swyddfeydd mwyaf arwyddocaol yn ystod y pum mlynedd diwethaf yng Nghymru.
Bydd gwaith i baratoi’r adeilad i’w ddefnyddio yn cychwyn cyn bo hir, ac mae disgwyl y bydd ein cydweithwyr yn symud i mewn erbyn haf 2028.
“Yn Hedyn, rydyn ni’n gwybod pa mor bwysig yw cartref o ran creu synnwyr o berthyn a diogelwch. Rydyn ni eisiau’r un peth i’n cydweithwyr, a dyna pam rwyf mor falch o gyhoeddi cartref newydd Hedyn.
“Fel sefydliad mwy erbyn hyn, mae’n bwysig ein bod yn cydbwyso ein hymrwymiad i fod yn rhan o’r cymunedau rydyn ni’n eu gwasanaethu â sicrhau bod ein swyddfeydd yn addas at ddibenion ein gweithlu.
“Bydd y symudiad i gyn-adeilad y Post Brenhinol yn helpu rhagor o’n cydweithwyr i weithio ochr yn ochr, gan sicrhau gwasanaeth mwy cyflawn i’n preswylwyr.
“Rydym wedi ymrwymo i fuddsoddi yn y gymuned leol ac mae’n destun cyffro ein bod yn rhan o’r adfywiad lleol a ddaw gyda’r cynnydd yn nifer y bobl fydd yn dod yno a’r hwb ddaw i siopau a chaffis yn sgil hynny.”
Efallai byddwch hefyd yn hoffi...
Mae ein trigolion gwych yn codi arian ar gyfer Hosbis Dewi Sant
Tagiwyd yn: Preswylwyr Darllen mwy
Cyfle i wylio’r Dreigiau’n chwarae gyda’n rhodd o 1,000 o docynnau!
Tagiwyd yn: Cymunedau Darllen mwy
