Newid at ffonau digidol

Mae’r newid i ddigidol yn digwydd yn raddol ar draws y DU. Rhaid uwchraddio popeth sy’n dal i ddefnyddio’r hen system PSTN – gan gynnwys pob llinell dir – yn llawn erbyn mis Ionawr 2027.

Pryd mae’n digwydd?

Mae’r newid i ddigidol yn digwydd yn raddol ar draws y DU. Rhaid uwchraddio popeth sy’n dal i ddefnyddio’r hen system PSTN – gan gynnwys pob llinell dir – yn llawn erbyn mis Ionawr 2027.

Efallai bod eich darparwyr ffôn wedi bod mewn cysylltiad â chi yn barod, a chofiwch gysylltu â nhw os oes gennych unrhyw gwestiynau.

Yma yn Hedyn rydyn ni wedi bod yn cynllunio ar gyfer y newid hwn ac yn dod i gyswllt â phreswylwyr sydd â systemau larwm llinell fywyd a ddarparwyd gennym ni. Mae’r hen rwydwaith llinell dir, o’r enw’r Rhwydwaith Ffôn Cyhoeddus Analog (PSTN), yn cael ei gau gan gwmnïau ffôn erbyn mis Ionawr 2027. Mae hyn yn golygu y bydd angen uwchraddio pob llinell dir – ac unrhyw offer sy’n defnyddio’r hen system – i wasanaethau digidol newydd.

Beth sy’n newid?

Nôl yn 2017, cyhoeddodd cwmnïau ffôn y byddent yn rhoi’r gorau i ddefnyddio’r hen rwydwaith llinell dir analog (y PSTN). Yn lle hynny, bydd llinellau tir nawr yn gweithio trwy’r rhyngrwyd, trwy wasanaethau digidol fel VoIP, Digital Voice, neu systemau ffôn All-IP.

Mae hyn yn effeithio ar fwy na llinellau tir yn unig. Bydd angen diweddaru unrhyw ddyfais sy’n dibynnu ar yr hen rwydwaith hefyd. Mae hyn yn cynnwys pethau fel:

• systemau larwm
• dyfeisiau teleofal
• systemau mynediad drws
• ac offer tebyg arall

Er bod yr uwchraddio yn cael ei arwain gan y diwydiant telathrebu, mae’r llywodraeth yn gweithio gyda darparwyr i helpu i sicrhau bod busnesau, gwasanaethau cyhoeddus ac aelwydydd yn cael eu cefnogi trwy’r newid.