Mae arwydd mosaig sydd wedi torri ym Mharc Moorland, wedi cael bywyd newydd, diolch i greadigrwydd plant lleol a chefnogaeth ein contractwr Hale Group.
Gan weithio gyda Tanio, sefydliad celfyddydau cymunedol Cymreig, aeth disgyblion Ysgol Gynradd Llyswyry ati i gymryd rhan mewn gweithdy wythnos o hyd, i ddylunio mosaig newydd sy’n adlewyrchu ysbryd eu cymdogaeth. Mae llawer o’r plant yn byw yn ardal Moorland ac roeddent yn gyffrous i gyfrannu at brosiect sy’n dathlu eu cymuned.
Mae’r mosaig newydd yn cymryd lle arwydd a oedd wedi dirywio dros y blynyddoedd ar gylchfan ym Mharc Moorland. Daeth dyluniadau’r plant yn fyw, diolch i dîm creadigol Tanio a’r Artist Chris Partridge, ac yna cafodd yr arwydd ei dadorchuddio mewn digwyddiad arbennig gerbron y disgyblion a’r athrawon, yn ogystal â chynrychiolwyr Grŵp Hedyn a Hale.
Mae’r fenter yn rhan o’n hymrwymiad i fuddsoddi yn y cymunedau o amgylch ein datblygiad, Longmeadow, lle rydym yn adeiladu cartrefi newydd.
Mae’r prosiect hwn yn enghraifft wych o sut y gall cyllid budd cymunedol wneud gwahaniaeth go iawn yn yr ardaloedd lle rydyn ni’n buddsoddi ac yn adeiladu cartrefi newydd. Nid yw’n fater o wella mannau cyhoeddus yn unig; mae’n rhoi llais i bobl ifanc ac ymdeimlad o falchder yn yr ardal y maen nhw’n byw. Mae’r mosaig yn symbol o greadigrwydd, cydweithredu ac ysbryd cymunedol.
Mae wedi bod yn gymaint o bleser gweithio gyda’r plant yn Ysgol Gynradd Llyswyry, Hedyn, a Tanio i roi bywyd newydd i’r ardal. Mae’r gwaith celf yn cyfleu creadigrwydd cymuned Moorland.
Mae’r mosaig yn tynnu sylw at yr holl bethau sy’n bwysig i’r disgyblion a’u cymuned – mae’n ddarn lliwgar, deinamig iawn ac roedd yn hyfryd eu gweld mor falch o’u gwaith. Mae gweithio mewn partneriaeth â Hale a Hedyn wedi dangos beth y gellir ei gyflawni pan fydd gwahanol sectorau yn dod at ei gilydd.
Efallai byddwch hefyd yn hoffi...
Newid at ffonau digidol
Tagiwyd yn: Preswylwyr Darllen mwy
Pwysigrwydd atgofion
Tagiwyd yn: Preswylwyr Darllen mwy
