Ein nod yw sicrhau bod pob punt rydyn ni’n ei wario, yn cyfrannu at gartrefi a chymunedau diogel, cynaliadwy a chynhwysol.
Rydym yn caffael i:
- sicrhau gwerth am arian
- cefnogi’r gwaith o adeiladu cartrefi a gwasanaethau o ansawdd uchel
- creu mwy o fanteision i’n trigolion, ein cymunedau, ein cyflenwyr a’r amgylchedd
Cyfleoedd caffael
Rydyn ni’n caffael ystod eang o gontractau ar draws pob maes o’r busnes, yn cynnwys:
- atgyweiriadau, cynnal a chadw ac ystadau
- rhaglenni gwaith wedi’u cynllunio
- diogelwch adeiladu
- datblygiadau adeiladu newydd
- cyflenwi nwyddau a gwasanaethau
- gwasanaethau ymgynghori
- technoleg gwybodaeth
Cofrestru am gyfleoedd
Rydym yn hysbysebu ein cyfleoedd caffael trwy:
- Gwerthwch i Gymru
- Delta – porth e-gyflenwi Hedyn
- Canfod tendr – Platfform Digidol Canolog (lle bo angen)
Mae angen i gyflenwyr gofrestru ar y pyrth perthnasol i gael mynediad at gyfleoedd byw. Cyn cofrestru ar Gwerthwch i Gymru, yn gyntaf rhaid i chi gofrestru ar Canfod Tendr – Llwyfan Digidol Canolog a chael eich Rhif Adnabod Unigryw. Mae ei angen i gofrestru ar Gwerthwch i Gymru.
Cofiwch wneud yn siŵr bod gennych y wybodaeth ddiweddaraf am eich cwmni, a sefydlu rhybuddion ar gyfer y categorïau sydd o ddiddordeb i chi.
Ein dull caffael
Mae Hedyn wedi ymrwymo i gaffael mewn ffordd deg, dryloyw a chymdeithasol gyfrifol. Rydym yn dilyn prosesau clir, y gellir eu harchwilio fel bod y nwyddau, y gwaith a’r gwasanaethau rydyn ni’n eu prynu yn cydymffurfio, yn gymesur, ac yn darparu gwerth yn y tymor hir.
Sut rydyn ni’n caffael
Rydym yn cadarnhau’r gofyniad, y gyllideb, y fanyleb a’r canlyniadau disgwyliedig cyn mynd i’r farchnad.
Mae gwerth, risg a chymhlethdod y contract yn pennu a ydym yn defnyddio dyfynbrisiau, tendr, fframwaith neu lwybr arall sy’n cydymffurfio.
Mae cyfleoedd yn cael eu hysbysebu drwy GwerthwchiGymru a Canfod Tendr lle bo angen ac maent yn cael eu rheoli drwy ein porth caffael Delta.
Mae tendrau’n cael eu hasesu yn ôl meini prawf a gyhoeddir, a bydd y gwerthuso fel arfer yn ystyried cost, ansawdd a gwerth cymdeithasol.
Mae contractau’n cael eu dyfarnu mewn modd tryloyw, ac yn cael eu rheoli trwy fesur perfformiad, cyfarfodydd adolygu, a dull o adrodd y cytunir arno.
Trothwyon tendro
Mae’n rhaid i Hedyn hysbysebu cyfleoedd tendro sy’n fwy na throthwyon diffiniedig. Y trothwyon ariannol cyfredol, sy’n ddilys er mis Ionawr 2024, yw:
- £214,904 (yn cynnwys TAW) ar gyfer nwyddau a gwasanaethau
- £5,372,609 (yn cynnwys TAW) ar gyfer contractau gwaith
Gwerth cymdeithasol
Mae gwerth cymdeithasol yn ymwneud â’r manteision ehangach a’r newid cadarnhaol y gall contract ei roi i’n cymunedau.
Mae enghreifftiau o’r ymrwymiadau gwerth cymdeithasol rydyn ni’n eu croesawu yn cynnwys:
- recriwtio’n lleol o ardaloedd sydd â lefelau diweithdra uchel
- cynnig prentisiaethau neu leoliadau profiad gwaith
- rhoi amser neu ddeunyddiau i brosiectau cymunedol
- lleihau allyriadau carbon ar y safle trwy beiriannau neu gerbydau allyriadau isel
- talu’r Cyflog Byw Gwirioneddol i’r holl staff sy’n gweithio ar ein contractau
Deddfwriaeth ac arweiniad
Mae ein gweithgarwch caffael yn cael ei lywodraethu gan ein rheoliadau ariannol, rheolau sefydlog a deddfwriaeth gaffael berthnasol y DU a Chymru.
Mwy o wybodaeth:
- Deddf Caffael 2023 arweiniad i gyflenwyr
- Canllawiau Diwygio caffael yng Nghymru
- Canllawiau i gyflenwyr ar GwerthwchiGumru
Cysylltu â ni
Oes oes gennych ymholiadau’n ymwneud â chaffael, cysylltwch â’r Tîm Caffael ar procurement@hedyn.cymru.