Trefnu atgyweiriad

Ar y dudalen hon

Os oes angen trwsio rhywbeth yn eich cartref, rydyn ni yma i helpu. Dywedwch wrthym cyn gynted ag y byddwch yn sylwi ar broblem fel y gallwn ei chywiro’n gyflym a chadw eich cartref yn ddiogel ac yn gyfforddus.

Gallwch drefnu atgyweiriad ar-lein neu roi galwad i ni os oes angen.

Cyn i chi drefnu

Ein cyfrifoldeb ni yw rhai atgyweiriadau ac mae rhai yn gyfrifoldeb arnoch chi.

Fel arfer rydych chi’n gyfrifol am fan bethau bob dydd, fel:

newid bylbiau golau neu ffiwsiau
cael allweddi newydd pan fyddant yn mynd ar goll
mân rwystrau a achosir gan fwyd neu wallt
addurno cosmetig y tu mewn i’ch cartref

Os nad ydych chi’n siŵr, peidiwch â phoeni – cysylltwch â ni fel y gallwn ei drafod gyda chi.

Trefnu atgyweiriad ar-lein

Y ffordd hawsaf i riportio atgyweiriad nad yw’n frys yw llenwi ein ffurflen gysylltu ar-lein neu anfon e-bost hello@hedyn.cymru.

Gallwch:

ddweud wrthym beth sydd angen ei drwsio
lan lwytho lluniau neu fideos clir os oes gennych rhai
dewis apwyntiad sy’n gyfleus i chi
cadw golwg ar eich atgyweiriad

Am bob ffordd i archebu atgyweiriad, ewch i’n tudalen cysylltu â ni.

Atgyweiriadau brys – ffoniwch ni os gwelwch yn dda

Mae angen gweithredu ar frys ar rai problemau oherwydd gallent effeithio ar eich diogelwch neu eich iechyd.

Mae atgyweiriadau brys yn cynnwys pethau fel:

dim gwres na dŵr poeth
gollyngiadau difrifol neu lifogydd
peryglon trydanol
drysau neu ffenestri allanol sy’n anniogel
arogl nwy cryf

Ffoniwch ni ar unwaith ar: 0300 1212 345

Rydyn ni ar gael 24 awr y dydd, bob diwrnod o’r flwyddyn am argyfyngau.

Os ydych chi’n arogli nwy:

Ffoniwch y Gwasanaeth Argyfwng Nwy Cenedlaethol ar 0800 111 999
Agorwch ffenestri a drysau
Peidiwch â defnyddio switshis trydan

Pan fyddwch chi’n rhoi gwybod am atgyweiriad:

byddwn yn edrych i weld beth sydd angen ei wneud ac a oes angen ei wneud ar frys
byddwn yn cysylltu â chi i gadarnhau’r camau nesaf
bydd un o’n crefftwyr medrus yn ymweld â’ch cartref os oes angen
byddwn yn rhannu’r diweddarach gyda chi tan fod yr atgyweiriad wedi’i orffen

Gwnewch yn siŵr bod rhywun 18 oed neu hŷn gartref yn ystod eich apwyntiad.

Rydym yn cael ein harwain gan Y System Mesur Iechyd a Diogelwch ar gyfer Tai ac yn anelu i gwblhau atgyweiriadau o fewn yr amseroedd hyn:

Atgyweiriadau sydd angen eu gwneud ar unwaith: o fewn 24 awr
Atgyweiriadau brys: Cyfeirir atynt hefyd fel atgyweiriadau sylweddol. Byddant yn cael eu harchwilio o fewn 10 diwrnod a’u hatgyweirio ar ôl pum diwrnod arall. Bydd atgyweiriadau sy’n cael eu hystyried yn rhai nad ydynt yn rhai sylweddol, yn cael eu cwblhau o fewn 28 diwrnod.
Atgyweiriadau arferol: o fewn amser y cytunir

Weithiau gall atgyweiriadau gymryd mwy o amser os oes angen darnau neu os yw’n anodd cael mynediad I’ch cartref – byddwn bob amser yn rhoi gwybod I chi.