Cyllid cymunedol

Yma yn Hedyn, credwn fod cymunedau cryf yn tyfu pan fydd pobl yn cefnogi ei gilydd ac yn ymfalchïo yn y mannau lle maen nhw’n byw.

Mae ein cronfeydd buddsoddi cymunedol yma i’ch helpu i droi syniadau gwych yn newid go iawn. Efallai eich bod chi’n dod â phobl at ei gilydd, yn gwella mannau cymunol, neu’n cefnogi’r rheiny y mae angen cefnogaeth fwyaf arnynt. Beth bynnag sy’n mynd â’ch bryd, rydyn ni yma i helpu i wneud i bethau ddigwydd.

Beth allwn ni ei ariannu

Gallwn gynnig cyllid a chymorth i grwpiau a sefydliadau lleol sy’n gwneud gwahaniaeth cadarnhaol yn eu cymuned. Os yw’n bwysig i’ch cymuned chi, mae’n bwysig i ni.

Rydyn ni’n chwilio am geisiadau sy’n gysylltiedig ag o leiaf un o’n tair thema:

1. Mannau gwyrdd: Creu mannau awyr agored cynaliadwy, deniadol ac egnïol sy’n dod â balchder i’n cymunedau.
2. Cymunedau diogel a chysylltiedig: Cryfhau perthnasoedd, gwella diogelwch lleol, a chreu ymdeimlad o berthyn.
3. Iechyd a llesiant: Cefnogi llesiant corfforol, meddyliol ac emosiynol unigolion a chymunedau.

Sut i wneud cais

Anfonwch eich syniad am brosiect trwy e-bost ddweud wrthym:

• beth yw’r prosiect
• i bwy mae’r prosiect
• ble mae’r prosiect
• faint o arian sydd ei angen arnoch i gyflawni’r prosiect

Byddwn yn cysylltu â chi o fewn 14 diwrnod i’ch arwain chi drwy’r camau nesaf.