Prynu cartref

Prynu Cartref o’ch Dewis Eich Hun

Mae’r opsiwn hwn yn eich helpu i brynu eiddo o’ch dewis ar y farchnad agored trwy asiant gwerthu tai. Mae ar gael yn Nhorfaen, Sir Fynwy a Phowys yn unig.

Mae’r cynllun Prynu Cartref yn helpu’r rheiny sy’n prynu am y tro cyntaf yn bennaf, er efallai y bydd yn gallu helpu os ydych chi’n dod i mewn i’r farchnad eiddo eto.

Bydd angen i chi allu ariannu hyd at 70% o’r pris prynu a bydd Llywodraeth Cymru yn darparu’r gweddill. Nid oes rhent na rhandaliadau i’w talu ar y benthyciad ecwiti; mae’n cael ei ad-dalu yn y dyfodol pan fyddwch chi’n dewis gwerthu.

Sut i ymgeisio

I wneud cais mae angen i chi gofrestru ar gyfer perchentyaeth fforddiadwy gyda’r awdurdod lleol. Ar ôl cael eich derbyn i’r cynllun, byddan nhw’n cysylltu â chi pan fydd cyfleoedd a chyllid ar gael. Byddwch yn cael gwybod pryd y gallwch ddechrau chwilio am dŷ o fewn cyllideb benodol.

Bydd hyn yn seiliedig ar:

• eich gallu i’w fforddio
• lleoliad yr eiddo
• maint eich teulu

Ailwerthu

Er mwyn sicrhau cyflenwad parhaus o berchentyaeth fforddiadwy mae gofyniad pan fydd perchennog yn dymuno gwerthu ei eiddo o dan y cynllun Prynu Cartref, ei fod yn cael ei gynnig i’w werthu i’r rheiny sydd ar y rhestr aros. Mae hyn yn cael gwared ar yr angen i dalu ffioedd asiantaeth gwerthu tai ac yn cynnig yr eiddo am bris penodol i gronfa o brynwyr sy’n aros am eiddo.

Mae’r dull hwn yn golygu bod gwerthwyr yn gallu symud ymlaen ond yn rhoi cyfle i’r rheiny sy’n prynu am y tro cyntaf i gamu ar yr ysgol hefyd, trwy wella eu gallu i fforddio hynny.

Y print mân

Gallai’r eiddo a’r cyllid sydd ar gael newid, felly mae’n well cysylltu â’n Tîm Prynu Cartref a’ch awdurdod lleol i holi am y cynigion diweddaraf.

Bydd pob cyfle yn cael ei gynnig i ymgeiswyr cofrestredig sydd ar gofrestr tai fforddiadwy yr awdurdodau lleol a byddant hefyd yn cael eu hysbysebu ar ein tudalen Facebook Hedyn Homebuy.