Addasu pwysedd eich boeler

Cam wrth gam: Sut i addasu pwysedd eich boeler

Ar flaen eich boeler mae mesurydd pwysedd. Mae hyn yn dweud beth yw pwysedd eich boeler. Mae pwysedd boeler yn cael ei fesur mewn ‘bariau’, ac mae pwysedd boeler da rhwng 1 a 1.5 bar. Os ydych chi’n sylwi bod eich boeler wedi gostwng o dan 1 bar, bydd angen i chi ei gynyddu.

Mae hyn yn hawdd:

1. O dan eich boeler mae peipiau a falfiau. Dyma’r falfiau llenwi a byddant yn cynyddu pwysedd y boeler. Trowch y falf wrthglocwedd, un chwarter ar un beipen a defnyddiwch sgriwdreifer i addasu’r sgriw ar y llinyn bleth.
2. Fe glywch sŵn yn dod o’r boeler. Mae hyn yn golygu eich bod chi’n gwneud popeth yn iawn. Gwyliwch y mesurydd pwysedd ar flaen y boeler ac fe welwch ef yn codi.
3. Unwaith y bydd y nodwydd yn cyrraedd rhwng 1 – 1.5 bar, gallwch dynhau’r sgriw eto. Yna, addaswch y falf yn ôl i’w safle cychwynnol.
4. Bydd eich boeler nawr yn gweithio, a bydd y pwysedd ar lefel dda. Os ydych chi wedi ei lenwi’n uwch na’r bar 1.5, gallwch ollwng aer o reiddiadur i leihau’r pwysedd.

Os oes gennych ofidion am bwysedd eich boeler, neu os nad ydych chi’n teimlo’n hyderus yn gwneud hyn ar eich pen eich hun, cysylltwch â ni. Rydyn ni yma i helpu.