Rydyn ni i gyd eisiau bod yn falch o’n bro. Gall tipio anghyfreithlon gael effaith fawr ar ein cymunedau, gan wneud i leoedd deimlo’n anniogel, fel pe na bai unrhyw un yn poeni amdanynt, ac yn llai pleserus i bawb.
Tipio anghyfreithlon yw gollwng sbwriel yn anghyfreithlon ar dir sydd ddim wedi’i awdurdodi i’w dderbyn. Mae’n edrych yn salw, ond gall hefyd niweidio’r amgylchedd a denu plâu digroeso.
Ein ffordd o weithio
Mae cadw ein cymunedau’n lân yn gyfrifoldeb ar bob un ohonom. Byddwn yn:
- ymateb yn gyflym pan fydd rhywun yn riportio achos o dipio anghyfreithlon yn ein hardaloedd
- gweithio gyda chynghorau lleol a phartneriaid i gael gwared ar wastraff yn ddiogel
- cymryd camau i atal problemau rhag codi eto
- cefnogi ein preswylwyr i gael mynediad at y wybodaeth a’r gwasanaethau iawn
Sut allwch chi helpu?
Gallwn ni i gyd wneud ein rhan i atal tipio anghyfreithlon. Gallwch chi helpu drwy:
- ddefnyddio’r gwasanaethau gwastraff ac ailgylchu cywir a ddarperir gan eich cyngor lleol
- trefnu casgliadau gwastraff swmpus yn hytrach na gadael eitemau y tu allan
- peidio ag ychwanegu at bentyrrau o sbwriel sydd wedi’u gollwng yn barod
- riportio tipio anghyfreithlon cyn gynted ag y byddwch chi’n ei weld
Riportio tipio anghyfreithlon
Gall camau bach wneud gwahaniaeth mawr i’ch cymuned. Os ydych chi’n gweld tipio anghyfreithlon, rhowch wybod i ni.
Gan ddibynnu ar y sefyllfa, efallai y byddwn yn gweithio gyda’ch cyngor lleol, sy’n gyfrifol am ymchwilio i achosion o dipio sbwriel yn anghyfreithlon a rhoi mesurau gorfodi ar waith.
Angen cael gwared ar rywbeth?
Os oes gennych eitemau mawr neu ddiangen, mae yna ffyrdd diogel a chyfreithlon o gael eu gwared:
- trefnwch gasgliad gwastraff swmpus gan eich cyngor lleol
- ewch ag eitemau i ganolfan ailgylchu
- rhowch eitemau sydd mewn cyflwr da o hyd i rywun arall
- defnyddiwch gwmnïau cludo gwastraff trwyddedig
Gall gadael eitemau y tu allan heb drefnu casgliad gael ei weld fel tipio anghyfreithlon.
Gwasanaethau Preswylwyr
Popeth sydd ei angen arnoch mewn un lle, gan gynnwys sut i dalu eich rhent, trefnu atgyweiriad neu wneud newidiadau i’ch contract.