Cynaliadwyedd amgylcheddol

Yn Hedyn, rydym yn gwybod bod gweithio mewn ffordd gynaliadwy nid yn unig yn well i’r blaned, mae’n well i’n preswylwyr. Mae cartrefi cynhesach, biliau ynni is, aer glanach, a lleoedd gwyrddach, i gyd yn cyfrannu at ansawdd bywyd gwell heddiw, wrth ddiogelu lles cenedlaethau’r dyfodol yfory.

Dyna pam mae cynaliadwyedd amgylcheddol wrth wraidd popeth a wnawn. Mae ein Haddewid Cynaliadwyedd Amgylcheddol yn nodi ein hymrwymiad i sut y byddwn yn gweithio gyda phreswylwyr i greu cartrefi, cymunedau a dyfodol cynaliadwy. Mae’n adlewyrchu’r hyn sy’n bwysig i’n preswylwyr; o gartrefi fforddiadwy, sy’n defnyddio ynni’n effeithlon, i fannau awyr agored gwyrddach, a chymdogaethau cryfach a mwy gwydn.

Rydym wedi ymrwymo i leihau ein heffaith ar yr amgylchedd, wrth wella’r lleoedd y mae ein preswylwyr yn eu galw’n gartref. Mae hyn yn cynnwys sicrhau bod ein cartrefi’n defnyddio ynni’n fwy effeithlon, cefnogi’r gwaith o weithredu’n lleol ar yr hinsawdd, gwarchod natur a bioamrywiaeth, hyrwyddo teithio cynaliadwy, a sicrhau bod ein penderfyniadau yn cael eu llywio gan dystiolaeth, dealltwriaeth ac adborth.

Trwy ymgorffori cynaliadwyedd yn ein gwasanaethau, mesurau rheoli a’n diwylliant, a thrwy weithio gyda phartneriaid i arloesi a datblygu sgiliau newydd, rydym yn cymryd camau ymarferol i adeiladu dyfodol iachach, gwyrddach i bawb.

Ein haddewid

Amddiffyn yfory trwy ddylunio heddiw.

I’n preswylwyr a’n cymunedau

Mae popeth yr ydym yn ei wneud yn cael ei lywio gan lais y cwsmer. Mae ein hymrwymiad i gynaliadwyedd yn cael ei yrru gan yr hyn sydd yn bwysicaf i’r rheini sy’n byw yn ein cartrefi a’n cymunedau.

• Darparu cartrefi fforddiadwy, sy’n defnyddio ynni yn effeithlon: Lleihau tlodi tanwydd a chefnogi llesiant preswylwyr.
• Meithrin cydnerthedd o ran yr hinsawdd: Addasu cartrefi a seilwaith i wrthsefyll heriau amgylcheddol, gan sicrhau diogelwch a chysur i’n preswylwyr.
• Grymuso ein cwsmeriaid a’n cymunedau: Arwain camau gweithredu amgylcheddol lleol a chymryd rhan ynddynt, gan sicrhau bod lleisiau yn llywio ein penderfyniadau.
• Gwella mannau gwyrdd a mynediad i fyd natur: cyd-fynd â’r hyn y mae ein cymunedau yn ei werthfawrogi, gan gefnogi llesiant a bioamrywiaeth.

I’n cymdeithas

Rydym yn defnyddio tystiolaeth a dealltwriaeth i ymgorffori cynaliadwyedd ar draws ein gweithrediadau, ein mesurau llywodraethu a’n diwylliant, gan sicrhau bod ein penderfyniadau a’n gweithredoedd yn effeithiol ac yn canolbwyntio ar y dyfodol.

• Hyrwyddo teithio cynaliadwy ac adnoddau effeithlon: Annog cerdded, beicio a thrafnidiaeth carbon isel, wrth ymgorffori cynlluniau sy’n lleihau gwastraff ac yn ailddefnyddio deunyddiau yn y ffordd rydym yn gweithredu.
• Gyrru tryloywder a lleihau carbon: Monitro ac adrodd ar ein perfformiad amgylcheddol, ei wella, a lleihau allyriadau o’n swyddfeydd a’n gweithgareddau.
• Ymgorffori cynaliadwyedd yn ein penderfyniadau a’n cadwyn gyflenwi: Gwneud dewisiadau cyfrifol wrth gaffael, datblygu sgiliau gwyrdd, a sicrhau bod cynaliadwyedd yn eistedd ochr yn ochr â’n strategaeth a’n dulliau rheoli.
• Cydweithio ac arloesi gyda phartneriaid: Ymchwilio i atebion newydd o ran cynaliadwyedd, ac eirioli dros weithredu trwy godi ein llais o fewn y cymunedau a’r sector ehangach i hyrwyddo cyfrifoldeb am yr amgylchedd.