Rhag ofn nad ydych wedi clywed am ein grŵp preswylwyr Buzz, dyma ddiweddariad byr i rannu beth maen nhw wedi bod yn ei wneud.
Mae pobl sy’n rhan o’r grŵp wedi chwarae rhan enfawr yn dylunio ein haddewid i gwsmeriaid, gan rannu eu barn am yr hyn y dylid ei gynnwys er 2024. Nawr, yn rhan o’u rôl i’n dal i gyfrif, maen nhw’n mynd ati ym mhob cyfarfod i gadw llygad ar ein cynnydd yn erbyn ein haddewidion i breswylwyr.
Mae preswylwyr eraill sy’n gwirfoddoli ar ein Panel Ymgynghorol yn rhoi adborth gwerthfawr am bolisïau, gwasanaethau a chynlluniau, gan helpu i lunio penderfyniadau sy’n effeithio ar ein holl breswylwyr a’u cymunedau.
Yn ddiweddar, aeth y preswylwyr hynny sy’n rhan o banel ymgysylltu Buzz, ati i gynnal ymweliad gan reolyddion Llywodraeth Cymru, a ymunodd â chyfarfod misol y grŵp. Yn y cyfarfod trafododd preswylwyr reoliadau newydd yn y System Mesur Iechyd a Diogelwch ar gyfer Tai (HHSRS), newidiadau i Hawliau Pobl Sy’n Rhentu a holi am ein cynnydd o ran yr Addewid i Gwsmeriaid. Clywsant hefyd sut oedd cyd-breswylwyr ar y
Panel Ymgynghorol a’r grŵp Llais Cwsmeriaid wedi bod yn symud ymlaen â’u gwaith ar ein proses hunanwerthuso.
Mae pobl yn y grŵp wedi chwarae rhan enfawr yn y gwaith o ddylunio ein haddewid i gwsmeriaid, gweithio ar yr addewid, a rhannu eu barn am yr hyn y dylid ei gynnwys er 2024. Nawr, yn rhan o’u rôl i’n dal i gyfrif, maen nhw’n mynd ati ym mhob cyfarfod i gadw llygad ar ein cynnydd yn erbyn ein haddewidion i breswylwyr. Os hoffech wybod fwy am ein haddewid i gwsmeriaid, rhowch glic ar ein gwefan yma.
Sut mae’r grwpiau ymgysylltu â phreswylwyr yn gweithio
Mae Buzz yn cynnwys naw aelod sy’n gyfrifol am gynrychioli barn preswylwyr ehangach, gan ein helpu i lunio ein gwasanaethau. Mae chwe phreswylydd arall yn gwirfoddoli ar ein Panel Ymgynghorol i lywio, ymgynghori a chyd-gynhyrchu ein gwasanaethau. Mae’r grwpiau preswylwyr hyn yn ein dal i gyfrif am gyflawni ein haddewidion i breswylwyr.
Os hoffech fod yn rhan o un o’n paneli ymgysylltu, rhowch wybod i ni drwy anfon e-bost i hello@hedyn.wales a gofyn am fwy o wybodaeth am gymryd rhan.